کراچی میں ڈسٹرکٹ ساؤتھ پولیس کی جانب سے موٹر سائیکل چوروں کے خلاف بھرپور کارروائیاں جاری ہیں۔ تفصیلات کے مطابق پولیس کارروائیوں کے دوران تھانہ صدر نے ایک جبکہ آرٹلری میدان نے بھی ایک موٹر سائیکل چور گرفتار کیا، تھانہ صدر نے ڈیفنس کی حدود سے موٹر سائیکل چوری کے دوران بننے والی فوٹیج کی مدد سے ملزم کو گرفتار کیا۔ پولیس کا کہنا ہے کہ تھانہ صدر میں گرفتار ملزم کے قبضے سے ڈیفنس اور صدر کی حدود سے چوری شدہ دو عدد موٹر سائیکلز برآمد ہوا جبکہ تھانہ اٹلری میدان میں گرفتار ملزم کے قبضے سے میٹھادر کی حدود سے چوری شدہ ایک عدد موٹر سائیکل برآمد ہوئی۔ پولیس کے مطابق تھانہ صدر میں گرفتار ملزم کی شناخت آصف ولد عاشر جبکہ اٹلری میدان میں گرفتار ملزم کی شناخت عامر سہیل ولد غلام یاسین کے ناموں سے ہوئی، دورانِ تفتیش معلوم ہوا کہ گرفتار دونوں ملزمان نشے کے عادی بھی ہیں۔