کراچی کے علاقے نارتھ ناظم آباد میں دن دیہاڑے بینک ڈکیتی کے دوران ڈاکو 20 لاکھ روپے لوٹ کر فرار ہو گئے، مزاحمت پر 2 گارڈز کو زخمی کر دیا۔ بتایا گیا ہے کہ واردات شارع نور جہاں تھانے کی حدود میں ہوئی۔ واردات میں 8 ملزمان شامل تھے جو 20لاکھ روپے کی رقم لوٹ کر فرار ہوگئے۔اطلاع ملنے پر ایس ایس پی سینٹرل جائے وقوعہ پر پہنچے جبکہ تفتیشی ٹیم نے شواہد اکٹھے کئے۔ مزاحمت کے دوران زخمی ہونے والے گارڈز سمیت دیگر عینی شاہدین کے بیانات ریکارڈ کرنے کا عمل جاری ہے۔ پولیس حکام کے مطابق تکنیکی شواہد کی روشنی میں تفتیش سے ملزمان تک جلد پہنچنے کی کوشش کریں گے۔