Home Crime ایس ایس پی ایسٹ کا بھیس بدل کر شیشہ کیفے پر چھاپہ

ایس ایس پی ایسٹ کا بھیس بدل کر شیشہ کیفے پر چھاپہ

by admin
Spread the love

سینئر سپرنٹنڈنٹ پولیس ایسٹ کراچی فرخ رضا نے گلستان جوہر میں ایک سابق پولیس افسر کے کیفے خانے پر چھاپہ مارا اور سرعام شیشہ چلانے کی سرپرستی کرنے پر ایس ایچ او کو معطل کر کے عہدے سے ہٹا دیا۔  پولیس ذرائع کے مطابق ایس ایس پی ایسٹ ڈاکٹر فرخ رضا گزشتہ رات سادہ لباس میں بھیس بدل کر گلستان جوہر بلاک ون میں ریٹائرڈ ایس پی رشید رند کے ’کیفے چائے شائے‘ کے نام سے بدنام زمانہ شیشہ کیفے جا پہنچے۔  ذرائع کے مطابق ایس ایس پی نے کیفے میں بیٹھ کر سامنے شیشہ چلتا دیکھا اور ایس ایچ او گلستان جوہر کو فون کر کے استفسار کیا کہ علاقے میں کہیں شیشہ کیفے تو نہیں چل رہا جس پر ایس ایچ او گلستان جوہر مالک ابڑو نے انکار کر دیا۔ ایس ایس پی نے جب ایس ایچ او کو گلستان جوہر کے شیشہ کیفے کا حوالہ دیا تو ایس ایچ او گلستان جوہر نے ایس ایس پی کو وہاں کی پرانی ویڈیو بھیج دیں۔

فرخ رضا نے ایس ایچ او کو بتایا کہ وہ خود وہاں بیٹھے ہیں اور شیشہ چل رہا ہے، انہوں نے ایس ایچ او کو بھی وہاں بلوا لیا۔  ایس ایس پی کو شیشہ کیفے میں دیکھ کر بھگدڑ مچ گئی۔  ایس ایچ او گلستان جوہر مالک ابڑو کو ایس ایس پی نے منظم جرم چلانے پر شیشہ کیفے میں ہی معطل کر دیا جبکہ ریٹائرڈ ایس پی رشید رند کے خلاف فوری مقدمہ بھی درج کر کے شیشہ کیفے سیل کروا دیا۔

You may also like

Leave a Comment