ادھر اُدھر کینمایاں

پاکستان میں منافع خوروں کی چاندی ،آکسیجن سلنڈرز کی قیمت میں اضافہ

کراچی میں منافع خوروں نے آکسیجن سلنڈرز کی قیمت بڑھا دی ہے، حالانکہ نہ مارکیٹ میں آکسیجن کی بہت طلب کا دباؤ ہے، نہ فیکٹری سے گیس مہنگی ہوئی ہے۔

کراچی کی بڑی ہول سیل مارکیٹ کے آکسیجن سپلائرز کہتے ہیں کہ میڈیا میں ہوئے شور کے سبب کچھ منافع خور آکسیجن سلنڈرز کی قیمت بڑھا رہے ہیں۔

لکی اسٹار ہول سیل مارکیٹ کے ایک آکسیجن ہول سیل سپلائر کا کہنا ہے کہ آکسیجن سلنڈر اور آکسیجن گیس دونوں کی قیمتیں نہیں بڑھ رہیں، مارکیٹ میں آکسیجن کی وافر مقدار موجود ہے جبکہ طلب بالکل کنٹرول میں ہے۔

بھارت میں آکسیجن سلنڈرز کی قلت کیا ہوئی پاکستان میں منافع خوروں کی چاندی ہو گئی۔

لکی اسٹار ہول سیل و ریٹیل مارکیٹ میں مختلف ریٹیلرز ایک ہی مقدار کے آکسیجن کے سلنڈر قیمت میں 10، 15 اور 20 ہزار روپے تک کے فرق کے ساتھ بیچ رہے ہیں، یعنی سانس رک جائے مگر منافع نہ رکے۔

پاکستان میں فی الحال آکسیجن کی کوئی قلت نہیں اور یہ بات ہول سیل مارکیٹ سے ثابت ہے جہاں خریداروں کا کوئی دباؤ نہیں ہے۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button
Close
Close