سیاسی باتیںنمایاں

پی ٹی آئی حکومت کو آئین، قانون اور جمہوری روایات کا کچھ پتا نہیں

سید ناصرحسین شاہ کا کہنا ہے کہ پی ٹی آئی حکومت نے بلدیاتی اداروں کو وقت سے پہلے تحلیل کر دیا ہے۔

تفصیلات کے مطابق وزیر اطلاعات سندھ سید ناصر حسین شاہ نے اپنے جارہ کردہ بیان میں کہا کہ سندھ میں بلدیاتی اداروں نے اپنی مدت مکمل کی ہے اور نئے انتخابات کیلئے کام شروع ہوچکا ہے، فواد چوہدری کس مونہ سے سندھ میں بلدیاتی اداروں کو فعال کرنے کی بات کر رہے ہیں۔

ان کا کہنا ہے کہ سید خورشید شاہ کے بیٹے سید فصیح شاہ کی گرفتاری قابل مذمت ہے، سید خورشید شاہ کی فیملی کے ساتھ جتنی زیادتی ہوئی ہے وہ قابل مذمت ہے۔

ناصر حسین شاہ نے  سوال پوچھتے ہوئے کہا کہ کیا عمران حکومت نے پنجاب ،کے پی کے اور بلوچستان میں بلدیاتی اداروں کو کام کرنے دیا؟ پنجاب میں عدالت کے حکم پر بلدیاتی ادارے بحال کئے گئے؟ اس کے باوجود پی ٹی آئی حکومت  پنجاب میں بلدیاتی اداروں کو کام کرنے نہیں دے رہی ہے۔

سید ناصر حسین شاہ نے کہا کہ پی ٹی آئی حکومت کو آئین، قانون اور جمہوری روایات کا کچھ پتا نہیں ہے، پی ٹی آئی کے وزراء جو منہ میں آتا ہے وہ بول لیتے ہیں۔

انھوں نے مزید کہا کہ گورنر راج کی بات کرنا فواد چودھری کی ذہنی پسماندگی کی عکاسی ہے۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button
Close
Close