جرائم

بلدیہ ٹاؤن میں زہریلی چیز کھانے سے تین بچے بے ہوش

بلدیہ ٹاؤن کے علاقے گلشن غازی میں زہریلی چیز کھانے یا کھلانے سے تین کم سن بچے بے ہوش ہوگئے ہیں، بچوں کو تشویشناک حالت میں عباسی شہید اسپتال منتقل کر دیا گیا ہے۔

اتحاد ٹاؤن پولیس کے مطابق بلدیہ کے علاقے گلشن غازی بلاک اے میں باڑے کے قریب سے چار سالہ بچہ محمد اقبال، تین سالہ بچی حفضہ اور دو سالہ فاطمہ بے ہوشی کی حالت میں ملے ۔

تینوں بچوں کو ایدھی فاؤنڈیشن کے عملے نے فوری طور پر عباسی شہید اسپتال کے ٹراما سینٹر پہنچایا جہاں ڈاکٹرز ان کی جان بچانے کی کوشش کر رہے ہیں۔

پولیس کے مطابق فوری طور پر معلوم نہیں ہوسکا کہ بچوں کو کسی نے کوئی چیز کھلائی یا وہ ازخود کوئی چیز کھانے سے متاثر ہوئے ہیں۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button
Close
Close