ادھر اُدھر کینمایاں

وٹامن ڈی دانتوں، ہڈیوں اور مسلز کو مضبوط کرتا ہے

وٹامن ڈی ہمارے جسم میں کیلشیم کو جذب کرنے کی صلاحیت میں اضافہ کرتاہے۔ اچھی بات یہ ہے کہ وٹامن ڈی حاصل کرنے کے ہمارے پاس بہت سارے قدرتی ذرائع موجود ہیں۔ کچھ غذائیں ایسی ہیں جن میں وٹامن ڈی پایا جاتاہے، تاہم متبادل کے طور پر سورج کی شعاعیں ہمارے لیے وٹامن ڈی کے حصول کا اہم ذریعہ ہیں۔
وٹامن ڈی کی کمی سے اعصابی کمزوری ہوتی ہے اور انسان تھکن کا شکار ہونے لگتاہے۔ ایک تحقیق کےمطابق جو لوگ تھکاوٹ کی شکایت زیادہ کرتے تھے، ان میں وٹامن ڈی کی کمی پائی گئی لیکن جب انہیں پانچ ہفتوں تک وٹامن ڈی کا استعمال کروایا گیا تو ان کی تھکن میں کمی دیکھی گئی۔ اسی طرح وٹامن ڈی کینسر کے مریضوں کے مدافعتی نظام میں بہتری لاتاہے اور بیکٹیریا کو ختم کرنے میں اہم کردار ادا کرتاہے۔
وٹامن ڈی کے حصول کے لیے آپ کو ہفتے میں 2سے3بار صرف 5سے 15منٹ دھوپ میں بیٹھنے کی ضرورت ہے لیکن اپنی جِلد کوسورج کی شعاعوں سے محفوظ رکھنے کے لیے سن اسکرین لگانا نہ بھولیں۔ دھوپ میں بیٹھنے کا بہترین وقت صبح یا شام ہے۔ اس کے علاوہ ذیل میں درج وٹامن ڈی سے بھرپور غذائوں کا استعمال آپ کے جسم میں وٹامن ڈی کی کمی کو پورا کرسکتا ہے۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button
Close
Close