گڈاپ میں بنگلے سے نوجوان کی لاش برآمد، واقعہ مشکوک قرار

گڈاپ کے علاقے میں ایک بنگلے سے نوجوان کی لاش برآمد ہونے کا واقعہ پیش آیا، جسے اہلِ علاقہ نے مشکوک قرار دیا ہے۔پولیس کے مطابق متوفی نوجوان کی شناخت 17 سالہ رستم کے نام سے ہوئی ہے، جو تھر کا رہائشی اور گزشتہ چھ ماہ سے بنگلے پر ملازمت کر رہا تھا۔ابتدائی طور پر بنگلے کے مالکان نے پولیس کو بتایا کہ رستم نے خودکشی کی ہے، تاہم اہلِ علاقہ نے واقعے کو مشکوک قرار دیتے ہوئے مکمل تحقیقات کا مطالبہ کیا ہے۔پولیس کا کہنا ہے کہ نوجوان کے رشتہ داروں نے بنگلے کے مالکان پر قتل کا الزام عائد کیا ہے، جبکہ جائے وقوعہ سے شواہد اکٹھے کرکے تحقیقات کا آغاز کر دیا گیا ہے۔حکام کے مطابق واقعے کے تمام پہلوؤں پر غور کرتے ہوئے تفتیش جاری ہے تاکہ نوجوان کی موت کی اصل وجوہات سامنے لائی جا سکیں۔