شہر قائد میں سہراب گوٹھ کی حسن نعمان کالونی میں افسوسناک واقعہ پیش آیا، جہاں 22 سالہ نوجوان رحیم اللہ ندی میں ڈوب گیا۔ واقعے کے بعد اہلخانہ نے ریسکیو ٹیموں کی مبینہ غفلت پر شدید احتجاج کیا۔متاثرہ خاندان کے مطابق نوجوان شام 5 بجے ندی میں ڈوبا، تاہم 10 گھنٹے گزر جانے کے باوجود ریسکیو ٹیمیں جائے وقوعہ پر نہیں پہنچ سکیں، جس کے باعث اہلخانہ اپنی مدد آپ کے تحت تلاش میں مصروف ہیں۔ڈوبنے والے نوجوان کے بھائی نے الزام عائد کیا کہ ہم نے بار بار ریسکیو اداروں سے رابطہ کیا لیکن کسی نے مدد فراہم نہیں کی۔ انہوں نے حکام سے اپیل کرتے ہوئے کہا کہ ہمارے بھائی کو کئی گھنٹے ہو چکے ہیں، خدارا ہماری فوری مدد کی جائے۔
سہراب گوٹھ میں 22 سالہ نوجوان ندی میں ڈوب گیا، اہلخانہ کا انتظامیہ پر شدید احتجاج
