کراچی میں مخدوش عمارتوں کے خلاف کارروائیاں، ایس بی سی اے نے لیاری میں دو عمارتیں گرا دیں

سندھ بلڈنگ کنٹرول اتھارٹی (ایس بی سی اے) نے کراچی میں خطرناک اور مخدوش عمارتوں کے خلاف کارروائیاں تیز کر دی ہیں۔ایس بی سی اے کے ترجمان کے مطابق لیاری کے علاقے آگرہ تاج کالونی میں دو خطرناک قرار دی گئی عمارتوں کو گرانے کا عمل جاری ہے۔ڈائریکٹر ڈیمولیشن کا کہنا ہے کہ 7 منزلہ عمارت 60 گز کے پلاٹ پر تعمیر کی گئی تھی،جسے ضلعی انتظامیہ کی جانب سے پہلے ہی خالی کرایا جا چکا تھا۔ڈی جی ایس بی سی اے کے مطابق کراچی میں مجموعی طور پر 540 عمارتوں کو خطرناک قرار دیا گیا ہے،جن میں سے 59 عمارتوں کو خالی کرا لیا گیا ہے۔انہوں نے مزید بتایا کہ مخدوش عمارتوں کو مرحلہ وار گرایا جائے گا تاکہ شہریوں کی جان و مال کو ممکنہ خطرات سے بچایا جا سکے۔