رضویہ میں پولیس اور ملزمان کے درمیان مبینہ مقابلہ،ملزم زخمی حالت میں گرفتار

شہرِ قائد کے علاقے رضویہ میں پولیس اور ملزمان کے درمیان مبینہ مقابلہ ہوا، جس کے دوران ایک ملزم زخمی حالت میں گرفتار کر لیا گیا جبکہ اس کا ساتھی فرار ہونے میں کامیاب ہوگیا۔رضویہ تھانے کے ہیڈ محرر ندیم سجاد کے مطابق مقابلہ گولیمار جہانگیر آباد ندی کنارے کے قریب پیش آیا، جہاں پولیس اور مشتبہ ملزمان کے درمیان فائرنگ کا تبادلہ ہوا۔پولیس نے کارروائی کے دوران 22 سالہ اسامہ ولد تنویر کو زخمی حالت میں گرفتار کر کے فوری طور پر عباسی شہید اسپتال منتقل کیا۔ گرفتار ملزم کے قبضے سے ایک پستول بھی برآمد کیا گیا ہے، جبکہ اس کا دوسرا ساتھی موقع سے فرار ہوگیا۔حکام کے مطابق گرفتار ملزم کے کرمنل ریکارڈ کی چھان بین جاری ہے اور مزید تفتیش کے بعد اہم انکشافات متوقع ہیں۔