عالمی اور مقامی سطح پر سونے کی قیمتوں میں اچانک بڑا اضافہ ریکارڈ

عالمی اور مقامی سطح پر سونے کی قیمتوں میں اچانک بڑا اضافہ ریکارڈ کیا گیا ہے، جس کے بعد سونا تاریخ کی نئی بلند ترین سطح پر پہنچ گیا۔بین الاقوامی بلین مارکیٹ میں منگل کے روز فی اونس سونا 69 ڈالر کے اضافے کے بعد 4 ہزار 140 ڈالر فی اونس پر جا پہنچا۔اسی طرح پاکستان کے مقامی صرافہ بازاروں میں بھی 24 قیراط فی تولہ سونے کی قیمت میں 6 ہزار 900 روپے کا اضافہ ہوا، جس کے بعد نئی قیمت 4 لاکھ 35 ہزار 100 روپے فی تولہ کی بلند ترین سطح پر پہنچ گئی۔فی 10 گرام سونے کی قیمت میں بھی 5 ہزار 916 روپے کا اضافہ ہوا، جس کے بعد نرخ 3 لاکھ 73 ہزار 28 روپے فی 10 گرام ہو گئے۔ماہرین کے مطابق سونے کی قیمتوں میں اضافے کی بنیادی وجہ عالمی مارکیٹ میں معاشی غیر یقینی صورتحال اور سرمایہ کاروں کی محفوظ سرمایہ کاری کی جانب رجحان ہے۔