ایم کیو ایم کا اسلام آباد میں احسن اقبال سے ملاقات ،کراچی کے منصوبوں پر بات چیت

ذرائع کے مطابق متحدہ قومی موومنٹ پاکستان (ایم کیو ایم) کے وفد نے اسلام آباد میں وفاقی وزیر منصوبہ بندی احسن اقبال سے ملاقات کی۔ وفد کی قیادت چیئرمین ایم کیو ایم خالد مقبول صدیقی نے کی، جبکہ وفد میں سید امین الحق اور جاوید حنیف بھی شامل تھے۔ملاقات میں کراچی کے ترقیاتی منصوبوں پر تبادلہ خیال کیا گیا، جس دوران احسن اقبال نے ایم کیو ایم رہنماؤں کو یقین دہانی کرائی کہ پی آئی ڈی سی ایل کے تحت کراچی میں جلد کام شروع کیا جائے گا۔ذرائع کے مطابق ایم کیو ایم کا وفد وزیر اعظم شہباز شریف کی وطن واپسی پر ان سے بھی ملاقات کرے گا، جس میں حکومتی اتحاد کے حوالے سے اپنے تحفظات اور مطالبات پیش کیے جائیں گے۔