سندھ ہائیکورٹ میں 10 سے زائد لاپتہ افراد کی بازیابی سے متعلق درخواستوں پر سماعت کے دوران عدالت کو آگاہ کیا گیا کہ چاکیواڑہ تھانے کی حدود سے لاپتہ ہونے والے 4 افراد—عبدالرحمان، رحیم بخش، اویس اور حمزہ—گھر واپس پہنچ گئے ہیں، جبکہ دیگر کی تلاش جاری ہے۔ درخواست گزار نے متعلقہ افراد کی واپسی سے عدالت کو مطلع کر دیا۔ عدالت نے تھانہ گزری، تھانہ سچل اور دیگر علاقوں سے لاپتہ افراد کی بازیابی کے لیے اقدامات تیز کرنے کی ہدایت دی۔ سرکاری وکیل نے بتایا کہ کچھ لاپتہ افراد کی تلاش کے لیے جے آئی ٹی اجلاس طلب کیا جا رہا ہے۔ جسٹس ظفر احمد راجپوت نے استفسار کیا کہ کیا اہلخانہ کو اجلاس کے بارے میں آگاہ کیا گیا ہے؟ تفتیشی افسر نے جواب دیا کہ اجلاس ایس ایس پی انویسٹی گیشن کی سربراہی میں ہو رہا ہے اور اہلخانہ کو مطلع کر دیا گیا ہے۔
چاکیواڑہ سے لاپتہ 4 افراد کے گھر واپس آنے کی رپورٹ سندھ ہائیکورٹ میں پیش
