کراچی کے علاقے گارڈن میں ایک گھر سے پھندا لگی لاش برآمد

ایس ایچ او گارڈن حنیف سیال کے مطابق عظیم پلازہ نیازی چوک کے قریب گھر سے ایک شخص کی پھندا لگی لاش ملنے کی اطلاع ملی، جسے ایمبولینس کے ذریعے سول اسپتال منتقل کیا گیا۔اسپتال میں جاں بحق شخص کی شناخت 45 سالہ کامران ولد عزیز کے نام سے ہوئی۔پولیس کا کہنا ہے کہ ابتدائی تفتیش کے مطابق واقعہ بظاہر خودکشی معلوم ہوتا ہے۔متوفی گھر میں اکیلا رہتا تھا، جب کہ ابتدائی معلومات کے مطابق گھریلو اور مالی مسائل خودکشی کی ممکنہ وجہ ہوسکتے ہیں۔پولیس نے واقعے کی مزید تفتیش شروع کر دی ہے۔