سونے کی عالمی اور مقامی مارکیٹوں میں قیمت آج پھر بڑھ گئی

عالمی مارکیٹ میں سونے کی قیمت بلند ترین سطح پر، مقامی صرافہ بازاروں میں بھی نیا ریکارڈ قائم۔بدھ کے روز عالمی بلین مارکیٹ میں سونے کی قیمت میں ایک بڑا اضافہ دیکھا گیا۔ فی اونس سونا اچانک 35 ڈالر مہنگا ہو کر 3 ہزار 890 ڈالر فی اونس کی نئی بلند ترین سطح پر پہنچ گیا۔عالمی مارکیٹ میں اضافے کے بعد مقامی صرافہ بازاروں میں بھی قیمتوں میں نمایاں اضافہ ہوا۔ پاکستان میں 24 قیراط فی تولہ سونا 3 ہزار 500 روپے مہنگا ہو کر نئی بلند ترین سطح 4 لاکھ 10 ہزار 278 روپے فی تولہ پر پہنچ گیا۔اسی طرح فی 10 گرام سونا 3 ہزار 1 روپے کے اضافے سے بڑھ کر 3 لاکھ 51 ہزار 747 روپے کی نئی ریکارڈ سطح پر جا پہنچا ہے۔