زمان ٹاؤن میں پولیس مقابلہ، دو ملزمان زخمی حالت میں گرفتار

کراچی کے علاقے بھٹائی کالونی بند کے قریب زمان ٹاؤن پولیس نے کارروائی کے دوران فائرنگ کے تبادلے میں دو ملزمان کو زخمی حالت میں گرفتار کر لیا۔ پولیس کے مطابق، کارروائی کے دوران دو طرفہ فائرنگ ہوئی، جس کے نتیجے میں 25 سالہ سراج اور 30 سالہ شہزاد زخمی ہو گئے۔ گرفتار ملزمان کے قبضے سے اسلحہ، گولیاں، مسروقہ موبائل فونز اور ایک موٹر سائیکل برآمد کی گئی ہے۔ پولیس کا کہنا ہے کہ دونوں زخمیوں کو فوری طور پر طبی امداد کے لیے قریبی اسپتال منتقل کر دیا گیا، جہاں ان کا علاج جاری ہے۔ زمان ٹاؤن پولیس کے مطابق، گرفتار ملزمان کے ماضی کے جرائم اور ممکنہ کرمنل نیٹ ورک سے تعلقات کی چھان بین کی جا رہی ہے، تاکہ یہ معلوم ہو سکے کہ آیا وہ کسی منظم جرائم پیشہ گروہ کا حصہ تو نہیں۔ پولیس حکام نے واقعے کی مزید تفتیش شروع کر دی ہے اور جلد مزید انکشافات متوقع ہیں