سونے کی قیمت نئی بلند ترین سطح پر پہنچ گئی

عالمی اور مقامی مارکیٹوں میں سونے کے نرخ تاریخ کی بلند ترین سطح پر جا پہنچے۔بین الاقوامی بلین مارکیٹ میں فی اونس سونا 60 ڈالر اضافے کے بعد 3 ہزار 540 ڈالر کی نئی بلند سطح پر پہنچ گیا۔عالمی قیمتوں میں اس اضافے کے اثرات مقامی مارکیٹ پر بھی نمایاں ہوئے اور پاکستان میں 24 قیراط سونا فی تولہ 6 ہزار روپے مہنگا ہوکر 3 لاکھ 76 ہزار 700 روپے کی ریکارڈ سطح پر پہنچ گیا۔اسی طرح فی 10 گرام سونا بھی 5 ہزار 144 روپے کے اضافے کے ساتھ 3 لاکھ 22 ہزار 959 روپے کا ہو گیا۔