بینک سےرقم نکلوانے والوں کو پولیس سیکورٹی لینا لازمی قرار

کراچی میں بینک سے رقم لے کر جانے  والوں کو ڈاکووں سے بچانے کے لئے ساوتھ پولیس کی جانب سے بڑا فیصلہ کرلیا گیا ہے۔ تفصیلات کے مطابق اب پانچ لاکھ یا اس سے زائد رقم نکلوانے والوں کو پولیس سیکورٹی لینا لازمی ہوگی۔ اس حوالے سے ساوتھ پولیس کی جانب سے ایڈوائزری بھی جاری کی گئی ہے۔ پولیس ایڈوائزری کے مطابق بینک سے 5 لاکھ یا زائد رقم نکلوانے پر سکیورٹی لازمی لینا ہوگی، بینک مینجرخود متعلقہ تھانے فون کرکے پولیس بلائے جبکہ بینک کو مووایبل بنکربنانے کی ہدایت دی گئی ہے۔ ساوتھ پولیس کی جانب سے جاری کردہ ایڈوائزری میں کہا گیا کہ بینک میں تربیت یافتہ سکیورٹی گارڈکی تعیناتی کی جائے، بینک کے سکیورٹی گارڈ کے لئے بلٹ پروف جیکٹ لازمی قرار دے دیا گیا ہے۔ ایڈوائزری کے مطابق 8 میگا پکسل والے نئے کیمرے داخلی اورخارجی راستے پر بھی لگائے جائیں، غیرمتعلقہ افراد پر سخت نظر رکھی جائے۔